مش دايمًا الطفل بحاجة لهدية ليفرح…
أوقات كلمة حلوة، اهتمام صغير، أو حتى لحظة صادقة، بتكفي تعمل فرق كبير بقلبه.
بعيد الطفل، منحب نحتفل ونوزّع فرح… بس الحقيقة إنو هاليوم لازم يذكّرنا بشي أهم:
إنو في أطفال عم يكبروا بسرعة مش بإيدهن، وعم يشوفوا أشياء أكبر من عمرن بكتير.
يمكن نحنا ما فينا نغيّر كل شي…
بس فينا نكون السبب بابتسامة، بلحظة أمان، أو بذكرى حلوة تبقى معهم، وما نقتل الطفل اللي جواتن، وما ننسى نوعي الطفل اللي جواتنا كمان كرمالن...
الطفل ما لازم يكون قوي… لازم يكون مرتاح، مبسوط، وعايش طفولته متل ما هيي.
ويمكن أبسط شي فينا نقدّمو إنو نسمعلن، نفهمن، ونحس فين.. وما نخلق جواتن عقد تتعايش معن...
اليوم مش بس “عيد الطفل”…
هوي تذكير إلنا كلنا إنو نكون أحنّ، وأقرب، وأوعى لقلوب صغيرة عم تعتمد علينا.
كل عام وكل طفل بالعالم بخير… ولو بفرحة صغيرة منقدر نخلق فرق كبير.
نيكول صدقة